நாலு காசு சம்பாதிக்க....






நாலு காசு சம்பாதிக்க
நாலு டப்பா அடுக்கிவச்சு
நாலு சேர(Chair) விரிச்சு வச்சு 
நல்ல நேரம் காத்து கிடக்க...

 மூணு வேளை சோறு திங்க 
மூணு பேரு முண்டி அடிச்சு
மூக்கு முட்ட தின்னுபுட்டு
முக்கா ரூவா எடுத்து வைக்க....

 ரெண்டு கண்ணு பூத்து போக 
ரெண்டும்கெட்டான் ஆளு ஒருத்தன் 
ரெண்டு ரூவா கணக்கு சொல்ல
ரத்தம் எல்லா சுண்டி போக.... 

 ஒத்த ரூவா கொடுத்த ஒருத்தன் 
ஒத்த சிகரட்ட பத்த வச்சு 
மொத்த உசுர எடுத்து போக 
சொச்ச உசுரா எட்டி போனா எஜமானி.

கணை:

இந்த கவிதை எனக்கு இரவு எப்பொதும் சென்று  டீ குடிக்கும் கடையில், நான் குடித்த டீக்கு காசு கொடுக்கும் போது உதித்த கவிதை. அந்த கடை எஜமானியோ பாவம் நாளு வாடிக்கையாளர்கள் சுத்தி நின்று விட்ட புகையை தாங்க முடியாது தன் சேலை தலைப்பால் மூக்கை மூடி கல்லா பெட்டிக்கு காவலாக உட்கார்ந்திருந்தாள். அவள் கண்களை பார்க்க நாளு காசு சம்பாதிக்க தன் மொத்த ஆரோக்கியத்தையும் பனையம் வைத்து காத்து கிடக்கிறாள் நல்ல உதயத்திற்காக என்பது மட்டும் எனக்கு புலப்பட்டது.


   

Comments

Post a Comment

Popular posts from this blog

எறும்பு ஊற ஊற கல்லும் தேயும்

Image
எறும்பு ஊற  ஊற  கல்லும் தேயும் இது பழமொழி. இன்று என் தோழி தன் முகநூலில் இதை பற்றி கொஞ்சமாக எழுதி இருந்தாள். எறும்புக்கு பரிந்து பேசி கல்லினுடைய அளவு பெரியதாக உள்ளதால் எறும்பு தன் கடைசி சொட்டு இரத்தம் வற்றும் வரை போராடி மாண்டு விடும் கல்லின் அளவுக்கு முன், என்று குறிப்பு கொடுத்திருந்தார். ஏறும்பினுடைய சிறப்பு என்வென்றால் தன் பிறப்பு முதல் இறப்பு முடிய தூங்காது உழைக்கும் ஓர் அறிவு பூச்சி. இதில் அதனுடைய ஆச்சிர்யபடுத்தும் உள்ளுணர்வை பார்த்தால் அதனுடைய ஒரே நோக்கம் தன் வாழ்விற்கு துணையான உணவை சேர்க்க, தன் வருங்கால குட்டி எறும்புகளுக்கும் வாழ்வை இனிமையாக அமைக்க தன் கடைசி மூச்சின் ஓட்டம் வரை உழைத்து மாய வேண்டும் என்ற உந்துதலே காரணம். எறும்புகள் எப்பொழுதும் சாறை சாறையாக தான் கல்லில் ஊறும், எறும்பின் சாறைக்குமுன் மிகப்பெரிய குன்றும் கற்கண்டு போல கரைந்து விடும். என் தோழி ஒற்றை எறும்பை மட்டும் பார்த்து, கல்லின் மாட்சிக்கு முன் எறும்பின் முயற்சி தோற்று விடும் என்று குறிப்பிட்டு விட்டார். ஒன்றாக இல்லாவிட்டால் ஒன்று, ஒன்றாக கழிந்து ஒன்றுமே இல்லாத நிலைக்கு சென்று விடும்
Read more

பத்து பேரதிசியத்தில் ஒன்று

Image
காதலும், அழகும் என்றுமே கவிங்கனுக்கு, பேனா முனையில் இருந்து கசிந்து வரும் மை போல, தன் கவிதையில் வடிந்துகொண்டே இருக்கும். அதை வாசிக்கும் வாசகர்க்கும், புது ரெத்தம் உடம்பில் பாய்ந்து உச்சந்தலையில் முட்டும் சுகம். இந்த தொடரை வாசிக்கும் போது, யாரும் காதல் வயப்படுவதை தடுக்கவே முடியாது.  காதல் பிற பாலினத்தவரிடம் மட்டும் வருவது அல்ல, அது ஒவ்வொரு உயிரிடமும் கலந்து வருவது.  பனை பூவை போல காதல் அழகாகவும், வாசனையுடனும் இருக்கும்... அதுவே இப்பூவில் தேன் தேடினால் கிடைக்காது. இதை தெரிந்த வண்டு பனை பூவிற்கு வராது, காற்றின் உதவி இன்றி மகரந்த சேர்க்கை பனைப்பூவில் நடக்காது. பனை மரத்திற்கு என்று தனி சிறப்பு ஒன்று உள்ளது, அது நேரே தன் தன்மையில் இருந்து மாறாது வளரக்கூடியது. இதையே தன் குலத்தின் மரமாக கொண்டுள்ள பாரி, தனக்கே இருக்கும் கொடை தன்மையில் மாறாது இருப்பது வாசிக்க சுகமாக உள்ளது. இந்த பகுதியில் முருகனுக்கும் வள்ளிக்கும் மலரும் காதலை வாசகர்க்கு நுனிப்புல் போல கொடுத்து, பாரியின் நிலத்தின் மேல் காதல் வரும் படியாக வாசகருக்கு அமைத்துள்ளார் சு.வெ. இதில் வரும் எழிலை பாலை மரம் உண்மையிலே மிகவு
Read more

பறம்பு மலையும், பாரி வேந்தனும்

Image
பறம்பு மலையை பற்றி எவ்வளவு வாசகர்களுக்கு தெரியும் என்று தெரியவில்லை எனக்கு, ஆனால் வள்ளல் பாரி வேந்தனை யாரும் மறக்க முடியாது. கடை ஏழு வள்ளலில் முல்லைக்கு தேர் கொடுத்த பாரி வேந்தனை நினைக்காமல், முல்லைப்பூவை ரசிக்க முடியாது. பறம்பு மலையில் வாழ்ந்த பாரி, எனக்கு வேந்தனாக மட்டும் சுருக்கி நினைக்க முடியவில்லை, ஒரு பெரிய குலத்தின் தலைவனாக சேர்ந்தே உணரமுடிகிறது. வேளீர் குலத்தலைவனாக, நம் நெல்லை - கன்னியாகுமரி சார்ந்த மலை தொடர்களில் வாழ்ந்தது மிகுந்த மகிழ்ச்சியை கொடுக்கிறது. இன்று பாரியை நினைக்க ஒரு காரனம் உண்டு. தற்செயலாக YouTubeல் பாரதி பாஸ்கரின் கானொளி ஒன்று பார்க்க நேர்ந்தது, அதில் "வேள்பாரி" என்ற விகடன் தொடரின் 100 வது வாரம் கடந்து வாசகர்களின் பேராதரவு பெற்று இருப்பதால், எழுத்தாளருக்கு பாராட்டும் விதமாக நிகழ்ச்சி அமைத்துள்ளார்கள். இத்தொடரில், “எழுத்தாளரின் மொழி ஆழுமையும், பாரியின் போர் திறமையும், தமிழர் வரலாற்றின் அறிவும், ஆழ்ந்து வாசிக்கும் வாசகர்களுக்கு சுவாரசியமாக எழுதியுள்ளார்” என்று கூறியிருந்தார். எனக்கு வரலாறை கதையாக வாசிப்பது பிடிக்கும்.  ஆகையால் இந்த தொடரை
Read more